"ისე გალანძღა მძღოლმა ერთი გოგო ნუ დაეჩვიეთ ბარათით გადახდასო. ქეში არ ჰქონდა, 90%ით დარწმუნებული ვარ, რომ მუშაობდა აპარატი, უბრალოდ მერე ვეღარ აღიარა მძღოლმა და დარჩა სულ გადაუხდელი, მაგაზე კი გაჭედა", - მგზავრების ნაწილი კომპანია "ინტერტრანსის" მიკროავტობუსებში საბარათე სისტემით გადახდასთან დაკავშირებულ პრობლემებზე საუბრობს.

"ინფო რუსთავს" ერთ-ერთი მგზავრი დაუკავშირდა და აღნიშნული პრობლემის გაშუქება სთხოვა. როგორც მგზავრმა ჩვენთან საუბარში განაცხადა, მიკროავტობუსში დაპირისპირება არაერთხელ ჰქონია, მისი თქმით, მძღოლებს არ სურთ მგზავრებმა ბარათით გადახდის სისტემა გამოიყენონ.

საკითხთან დაკავშირებით სოციალური ქსელის დახურულ ჯგუფში "რუსთავის ტრანსპორტი" ფოტომასალაც გავრცელდა. ფოტოებზე უფუნქციო საბარათე სისტემებია ასახული. "ინფო რუსთავის" წყაროს თქმით, სურათები თოდრიასა და რკ. სადგურის ხაზებზეა გადაღებული, თუმცა მისივე ინფორმაციით, მსგავსი ფაქტი სხვა ხაზებზეც ფიქსირდება.

როგორც "ინფო რუსთავს" კომპანია "ინტერტრანსში" განუცხადეს, მგზავ­რე­ბის გა­და­საყ­ვა­ნად ხაზზე გა­სულ ყვე­ლა ყვითელ მიკ­რო­ავ­ტო­ბუს­ში ელექტრონული გადახდის აპარატი მუ­შა­ობს.

“კომ­პა­ნია სრუ­ლი პა­სუ­ხის­მგებ­ლო­ბით აცხა­დებს, რომ მგზავ­რე­ბის გა­და­საყ­ვა­ნად ხაზ­ზე გა­სულ ყვე­ლა ყვითელ მიკ­რო­ავ­ტო­ბუს­ში ელექტრონული გადახდის აპარატები მუ­შა­ობს და უმორ­ჩი­ლე­სად ვთხოვთ ყვე­ლა მომ­ხმა­რე­ბელს, მიკ­რო­ავ­ტო­ბუს­ში გადახდის სის­ტე­მის ჩა­ურ­თვე­ლო­ბის შემ­თხვე­ვა­ში, სატ­რან­სპორ­ტო სა­შუ­ა­ლე­ბის სა­ხელ­მწი­ფო ნო­მე­რი შეგ­ვა­ტყო­ბი­ნოს ცხელ ხაზ­ზე 0341 285050 “, - აცხა­დე­ბენ "ინტერტრანსში".