2026-01-23 13:56:34
GMP სერტიფიკატის წარუდგენლობის გამო ჯანდაცვის სამინისტრომ 3000-მდე მედიკამენტის რეგისტრაცია შეაჩერა.
GMPსტანდარტის შესაბამისობის დამადასტურებელი დოკუმენტი უნდა გააჩნდეს როგორც დისტრიბუტორებს, ისე ადგილობრივი მწარმოებლებს. ნებისმიერ სამკურნალო საშუალებას, რომელიც საქართველოში რეგისტრირდება ან ხელახალ რეგისტრაციას გადის, 1 ოქტომბრიდან ევროპული GMP სტანდარტის შესაბამისობის დამადასტურებელი დოკუმენტი უნდა გააჩნდეს, როგორც საბოლოო პროდუქტზე, ასევე იმ სუბსტანციებზე, რომელიც მის დასამზადებლად გამოიყენება.
მედიკამენტი თუ ვერ დააკმაყოფილებს დოკუმენტალურ მოთხოვნებს, ფიზიკურად ვერ მოხვდება საქართველოს ბაზარზე. ასევე ვერ დარეგისტრირდება საქართველოში წარმოებული პროდუქტი, თუ არ დააკმაყოფილებს ახალი რეგულაციით გაწერილ სტანდარტებს.
საქართველოს ფარმაცევტთა ასოციაციის თავმჯდომარე ლევან გოგიბერიძე “საქმის კურსთან” ინტერვიუში ამბობს, რომ კომპანიებს საკმარისი მარაგები აქვთ, ამიტომ ბაზარზე წამლის დეფიციტის შექმნის რისკი არ არსებობს.
