გერმანიის ცენტრალურ ქალაქ გერაში მამაკაცს, რომელმაც ცოლს ბენზინი გადაასხა და შემდეგ ტრამვაიში დაწვა, ხუთშაბათს მკვლელობის მცდელობისთვის სამუდამო პატიმრობა მიუსაჯეს.

ინფორმაციას გერმანული მედია ავრცელებს 

საქართველოს მოქალაქე დამნაშავედ ცნეს მკვლელობის მცდელობასა და დამამძიმებელ გარემოებებში ჩადენილ ძალადობაში. მას 75 000 ევროს კომპენსაციის გადახდა დაეკისრა.

მამაკაცმა ცოლის მოკვლა ქორწინების დასრულების მიზნით სცადა. 
„თქვენ ერთდროულად გაანადგურეთ თქვენი ოჯახი და საკუთარი ცხოვრება“ - განაცხადა მოსამართლე ტონდორფმა.

მსჯავრდებული მამაკაცი გერმანიაში 2018 წელს ემიგრაციაში წავიდა, მოგვიანებით კი მისი მეუღლე და შვილებიც მიჰყვნენ.

მამაკაცმა იცოდა, თავდასხმის დროს სხვა მგზავრებიც შეიძლებოდა დაშავებულიყვნენ, ამიტომ გაქცევა სცადა შემდგომ კი თვითმკვლელობა. მოგვიანებით ის პოლიციას ჩაბარდა.