28 მასწავლებელს გიგა ავალიანს, გავრცელებული ინფორმაციით რამდენიმე მოსწავლე თავს დაესხა, სასიკვდილო დაზიანება კი 17 წლის ბიჭმა მიაყენა. მასწავლებელი მალევე სამედიცინო დაწესებულებაში გადაიყვანეს, თუმცა მისი გადარჩენა ვერ მოხერხდა და გარდაიცვალა. მომხდარზე შსს განცხადებას ავრცელებს.

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, 2008 წელს დაბადებული ა.გ. ჯანმრთელობის განზრახ მძიმე დაზიანების ბრალდებით დააკავეს. 

გამოძიებით დადგინდა, რომ ბრალდებული თბილისში, თემქის დასახლებაში, ერთ-ერთი საცხოვრებელი კორპუსის მიმდებარე ტერიტორიაზე, 1997 წელს დაბადებულ გ.ა. -ს ფიზიკურად გაუსწორდა და ჯანმრთელობის მძიმე დაზიანება მიაყენა. სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად  ა.გ. ბრალდებულის სახით დააკავეს. 

დაშავებული ახალგაზრდა მამაკაცი  კრიტიკული მდგომარეობით საავადმყოფოში მოათავსეს, სადაც სამედიცინო დახმარება უტარდებოდა, თუმცა მომდევნო დღეების განმავლობაში მისი ჯანმრთელობის მდგომარეობა კიდევ უფრო დამძიმდა და ის  24 ოქტომბერს გარდაიცვალა. 

გამოძიება სისხლის სამართლის კოდექსის 117-ე მუხლით მიმდინარეობს.