რუსთავის ცენტრალურ პარკში მუნიციპალური განვითარების ფონდი რეაბილიტაციის დროს გეგმავს, რომ ტბა სიგრძეში გაზარდოს, ტბის ორივე ნაპირი ერთმანეთს ხიდით დაუკავშიროს. 

მგფ-მა რეაბილიტაციის საპროექტო-სახარჯთაღრიცხვო დოკუმენტაციის მომზადება მომსახურების სახელმწიფო შესყიდვისთვის ელექტრონული ტენდერი უკვე გამოაცხადა.

ტენდერში მონაწილეობისთვის წინადადების მიღება 9 აპრილს იწყება და 14 აპრილს მთავრდება. შესყიდვების სავარაუდო ღირებულება კი დღგ-ს გარეშე 1 596 000 ლარია.

რეაბილიტაციის ფარგლებში იგეგმება:

საბავშვო სათამაშო სივრცეები (ასაკობრივი დიფერენციაციით);
- სპორტული ზონები (ღია კალათბურთის მოედანი, სავარჯიშო სივრცეები);

- არსებული მინი ფეხბურთის მოედანი, ქვიშის ფრენბურთი, სკეიტ პარკის განახლება/ ახლის მოწყობა;

- რეკრეაციული ზონები – დასასვენებელი სივრცეები, გამწვანებული მარშრუტები;

- არსებული ამფითეატრის და ფანჩატურის რეაბილიტაცია;

- საველოსიპედო, სარბენი და საფეხმავლო ბილიკების ქსელი;

- დამატებითი სატრანსპორტო კავშირები;

- სასურველია არსებული ტბის სიგრძეში გაზრდა (არსებული დამბის ათვისებით), შემდგომში ნიჩბოსნობის ტურნირების ჩატარების მიზნით;

- ნიჩბოსნობის სკოლის მიმდებარედ, სანაპირო ზოლის ნაწილში, ნავმისადგომის მოწყობა;

- ტბის მიმდებარედ მოეწყოს სანაპირო ზოლი, შესაბამისი ინფრასტრუქტურით (ღია საშხაპეები, საპირფარეშოები);

- გათვალისწინებული იქნეს არსებული საფესტივალო სივრცეების
შენარჩუნება/რეაბილიტაცია.

- არქიტექტურული ობიექტები (მაგ. ადმინისტრაციის შენობა, პავილიონები, საინფორმაციო ცენტრი, მომსახურების ინფრასტრუქტურა, პერგოლები და სხვა);

- კულტურული და საგანმანათლებლო სივრცეები (ღია სცენა, პავილიონი, ღონისძიებების მოედანი და სხვა);

- ლანდშაფტური და წყლის ობიექტები (მაგ. წყლის სარკე, შადრევნები);

- არსებული ავტოპარკინგის გაფართოება და გადატანა პარკის ცენტრალური შესასვლელიდან ჩრდილო-დასავლეთით, მდ. მტკვრის მხარეს.

- ტბაზე გადასასვლელი საფეხმავლო ხიდი.

- კულტურის სახლის/ცენტრის, პარკთან დამაკავშირებელი საფეხმავლო ხიდი.

- არსებული კუნძულის, პარკთან დამაკავშირებელი საფეხმავლო ხიდი.

- პარკში განთავსებულ ნიჩბოსნობის სკოლის და ციფრული განვითარების სივრცემდე მოეწყოს მისასვლელი სამანქანე გზა.

- პარკის ტერიტორიაზე არსებული არხის ორივე მხარეს მოეწყოს უსაფრთხოების ჯებირი.

- ურნები;

- სკამები;

- ჭადრაკის მაგიდები;

- სასმელი წყლის შადრევნები;

- საინფორმაციო მონიტორები;

- მანიშნებლები.

- დეკორატიული მინათებები ციხე-სიმაგრის ტერიტორიაზე.

- სარწყავი სისტემა;

- ელექტრომომარაგების ქსელი;

- სადრენაჟე, წყალმომარაგება და კანალიზაციის სისტემები;

- ვიდეო მეთვალყურეობის და უსაფრთხოების სისტემა;

- პროექტის ფარგლებში გათვალისწინებული იქნეს პარკის ტერიტორიაზე არსებული საფესტივალო სივრცეების სათანადო საინჟინრო ინფრასტრუქტურით აღჭურვა;

- პარკის ტერიტორიაზე სხვადასხვა საინფორმაციო და ფონური მუსიკისთვის საჭირო აუდიო სისტემის მონტაჟი, შესაბამისი მართვის პუნქტით.