სურსათის ეროვნულმა სააგენტომ მარტის თვეში რუსთავში 9 ობიექტი დააჯარიმა.

ამის შესახებ "ინფო რუსთავს" ინფორმაცია სურსათის უვნებლობის ქვემო ქართლის რეგიონული სამმართველოს ხელმძღვანელმა, მირანგულა ლიპარტელიანმა მიაწოდა.

მისი თქმით, ქალაქში ინსპექტირება 50 ობიექტში ჩატარდა.

ჯარიმა 1 ობიექტს კრიტიკული შეუსაბამობის გამო გამოუწერეს და დახურეს, 2-ს ვადაგასული სურსათის რეალიზაციისთვის, 2-ს ეტიკეტის არქონისთვის, 4-ს რეგისტრაციის არქონისთვის.

საერთო ჯამში, ქვემო ქართლის მასშტაბით ინსპექტირება 97 ობიექტზე ჩატარდა, ნიმუში აიღეს 15-დან, 136 დოკუმენტურად შემოწმდა, გადაამოწმეს 32, დააჯარიმეს 20.

სურსათის ეროვნული სააგენტო სახელმწიფო კონტროლს განაგრძობს იმ ბიზნესოპერატორებთან, რომლებიც დასაქმებულები არიან სურსათის წარმოებაში.

სეს-ი იმ მაღაზიების იდენტიფიცირებისგან, რომელიც დააჯარიმა, თავს იკავებს.