ბათუმში მაშველმა არასრულწლოვანი დახრჩობას გადაარჩინა.
საგანგებო სიტუაციათა მართვის სამსახურის ინფორმაციით, ბათუმში, მახინჯაურის სანაპიროზე საზღვაო-სამაშველო განყოფილების მაშველმა მირიან აფაქიძემ 14 წლის ბიჭი გადაარჩინა.
ბიჭი სანაპიროდან 60 მეტრის მოშორებით იყო ზღვაში შესული და შველას ითხოვდა. უწყების ინფორმაციით, მის ჯანმრთელობას საფრთხე არ ემუქრება.