თბილისში პარლამენტთან ავტოსაგზაო შემთხვევა მოხდა. როგორც ნეტგაზეთს შსს-ში განუცხადეს, მძღოლმა პარკირებისას ვერ გაართვა ავტომობილის მართვას თავი, რის შედეგადაც საცხოვრებელი სახლის შიდა ეზოში ჩავარდა.
რაც შეეხება თავად მძღოლს, მას სხეულის მსუბუქი დაზიანება აღენიშნება, გამოძიება სსკ 276-ე მუხლით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა გულისხმობს, რამაც ჯანმრთელობის ნაკლებად მძიმე დაზიანება გამოიწვია.
წყარო: netgazeti.ge