ორსულებისთვის ვაუჩერით გათვალისწინებული ვიზიტების რაოდენობა გაორმაგდა. 1 თებერვლიდან დარეგისტრირებული ორსულები 8 ანტენატალური ვიზიტით ისარგებლებენ. ვიზიტები მოიცავს, როგორც მეან-გინეკოლოგის კონსულტაციას, ასევე ულტრაბგერით გამოკვლევას და ანალიზებს.
ორსულებმა, ანტენატალური მეთვალყურეობით გათვალისწინებული მომსახურების ვაუჩერის მისაღებად ორსულობის მე-13 კვირამდე უნდა მიმართონ შერჩეულ კლინიკას, სადაც გაივლიან ანტენატალურ მეთვალყურეობას მშობიარობამდე.