2024-05-06 14:24:04
ბრაზილიის სამხრეთით მდებარე შტატ რიო გრანდე-დუ სულში ძლიერი წვიმის შედეგად დაღუპულთა რიცხვი, სულ მცირე, 78-მდე გაიზარდა.
კიდევ 100-მდე კი დაკარგულად მიიჩნევა.
დასავლური მედიის ინფორმაციით, ადგილობრივმა ხელისუფლებამ კვირას განაცხადა, იძულებით გადაადგილებულია 115 000-ზე მეტი ადამიანი.
პრეზიდენტი ლუის ინასიო ლულა და სილვა რიო გრანდე-დუ სულში ჩავიდა, რათა სამაშველო და აღდგენითი სამუშაოების პროცესი ადგილობრივ ხელისუფლებასთან ერთად განეხილა.
