ამ დროისთვის ერთიანი ეროვნული გამოცდებისათვის რეგისტრაცია 19 400-ზე მეტმა აბიტურიენტმა გაიარა. 2024 წლის გამოცდებზე დარეგისტრირებულთა შუალედურ სტატისტიკას შეფასებისა და გამოცდების ეროვნული ცენტრი აქვეყნებს.

22 მარტის 10:00 საათის მონაცემებით, სტუდენტთა საგრანტო კონკურსში მონაწილეობის სურვილი 850-ზე მეტმა სტუდენტმა გამოთქვა. საერთო სამაგისტრო გამოცდისათვის კი ელექტრონული განაცხადი 2 700-ზე მეტმა შეავსო.

ცნობისთვის, რეგისტრაცია შესაძლებელი იქნება 4 აპრილის 18:00 საათამდე.