2017-05-24 19:36:28
ქალაქის ბიუჯეტი 44 მილიონი ლარით განისაზღვრა. აღნიშნულის შესახებ, რუსთავის მუნიციპალიტეტის საკრებულოს სხდომათა დარბაზში, საფინანსო-საბიუჯეტო კომისიის, სხდომაზე იმსჯელეს. გარდა ამისა, დეპუტატებმა დღის წესრიგით გათვალისწინებული ცამეტი საკითხი განიხილეს.
ა(ა)იპებისა და შპს-ების დამტკიცებულ პროგრამებში ძირითადად შიდა მუხლობრივი და სტრუქტურული ცვლილებები განხორციელდა, რუსთავის მუნიციპალიტეტის მერიის ჯანდაცვისა და სოციალური მომსახურების სამსახურმა კი დამატებითი თანხის გამოყოფა ითხოვა.
სხდომას, მერიის წარმომადგენლებთან, შპს-ების ხელმძღვანელებთან, მერიის სოციალური მომსახურებისა და საფინანსო-საბიუჯეტო სამსახურების უფროსებთან ერთად, რუსთავის მერი დავით ჯიქია ესწრებოდა.
