რუსთავში სახანძრო-სამაშველო სამსახურის ახალი შენობა გაიხსნა.
ობიექტი საგანგებო სიტუაციების მართვის სამსახურის ხელმძღვანელმა გიორგი მღებრიშვილმა ქვემო ქართლის გუბერნატორ გრიგოლ ნემსაძესა და რუსთავის მერთან, ირაკლი ტაბაღუასთან, ერთად გახსნა.

შენობა თანამედროვე ტექნოლოგიებითა და ახალი ინვენტარითაა აღჭურვილი.
"დღეს გავხსენით აბსოლუტურად ახალი სტანდარტების თანამედროვე ევროპული ტიპის შენობა, რომელშიც ჩვენს მეხანძრე-მაშველებს ყველა პირობა ექნებათ იმისთვის, რომ უფრო კომფორტულად იგრძნონ თავი, უფრო კომფორტული სერვისი შესთავაზონ ჩვენს მოქალაქეებს." - აღნიშნა საგანგებო სიტუაციების მართვის სამსახურის ხელმძღვანელმა.

გიორგი მღებრიშვილის ინფორმაციით, სახანძრო-სამაშველო სამსახურებისთვის ახალი შენობები საქართველოს სხვა რეგიონებშიც, კერძოდ, აჭარასა და გურიაშიც გაიხსნება.

ავტორი: ირმა კურტანიძე